Zeharkako diseinua, zeharkako ikerketa eta zeharkako datuak


KategoriakEstatistika

Estatistikan, zeharkako diseinua edo zeharkako ikerketa (ingelesez, cross-section) populazio batetik lagineko banakoei buruz une jakin batean datuak jaso egiten dituen ikerketa da, inkestaz edo behaketa zuzenaz. Zeharkako diseinuetan jasotzen diren datuak zeharkako datuak direla esaten da (ingelesez, cross-section data).  Ikerketa zientifikoan, normalean aldagai batzuek beste batzuetan duten efektua bilatzen da; ikuspuntu horretatik, zeharkako diseinuak une jakin batean subjektuen laginketa edo aukeraketa egiten du, baino kontuan hartu gabe faktore baten mendean izan diren edo efektu jakjin bat izan duten, eta beraz ikertzaileak ez du kontrolatzen zenbat subjektu izango dituen faktore eta efektu mota bakoitzeko.

Diseinu sinple, erraz eta merkea da, baina horren emaitza oso mugatua da, fenomeno baten uneko argazkia besterik eskuratzen ez duelako, fenomenoak izan duen bilakaerari erreparatu gabe. Fenomeno baten bilakaera aztertzeko, zeharkako diseinu anitz egin daitezke denboran zehar, zeharkako diseinu errepikatuak alegia, aldi bakoitzean lagin ezberdinak aukeratuz, edota luzetarako ikerketa, banako berdinei buruzko datuak jasotzen dituena denboran zehar.

Beste hizkuntzetan: gaztelaniaz, diseño transversal.

246 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.