Tradizioa (antropologia)

Antropologian, tradizioa kultura bateko elementu iraunkorren multzoa da, hala nola ohiturak, balioak, ekoizpen kulturalak (ahozko literatura, ...), belaunaldiz belaunaldi transmititu eta identitate eta memoria kolektibo bat osatzen dutenak. Elementu horietako bakoitzari ere tradizio deitzen zaio, eta horrela tradizioa, singularrean, tradizioen multzoa dela esan liteke. Tradizio kulturalaren defentsa kontserbadurismoarekin lotu izan da, bereziki izaera politikoa har dezaketen elementuen inguruan (sexu harremanak, ezkontza, ...). Tradizioko elementuak ez dira besterik gordetzen, komunitateko kideek bizi egiten dituzte, haientzat bizi-esperientzia da, berritu egiten dena aldi bakoitzean. Iraganak autoritatea ematen dio tradizioa, baino horregatik ezin dugu esan tradizioa iraganean erroturiko kultura dela: orainak etorkizunera proiektatzen du, eta ildo horretatik izaera performatiboa du tradizioak, eta sakonean mundu-ikuskera bat sendotu eta biziaraztendu.