Titulartasuna

Titulartasuna edo titularitatea pertsona batek, izan fisikoa izan juridikoa, titulu edo legezko agiri batean ezartzen denaren arabera ondasun edo erakunde baten jabetza edo haren gaineko bestelako eskubideak eta obligazioak izatea da. Halaber, titulartasuna kontzesio, kargu edo lanpostu publiko jakin bat, hura betetzeko behar diren probak, merituak eta orokorrean legean ezartzen diren izapide eta baldintza guztiak beteta, hartaz jabetu eta garatzeko eskubidea da. Horrela esaten da, adibidez, funtzionario batek lanpostu jakin baten titulartasuna duela, edota kirol-elkarte baten titulartasuna elkarteko kide jakin batzuek (edo guztiek) dutela.

Beste hizkuntzetan: gaztelaniaz, titularidad.