Substantibismoa gizakiaren eta ingurunearen arteko harremanak oinarritzat hartzen dituen paradigma ekonomiko eta antropologikoa da, formalismoaren aurkakoa. Max Weber izan zen lehena arrazionaltsun formala edo deduktiboa eta substantibista edo enpirikoa bereizten. Egitate ekonomikoak aztertzeko metodologiaz haraindi, substantibistek ekonomia formalistak oinarritzat merkatua hartzen duela kritikatzen du, eta beraz gizarte kapitalisten garai historikoari soilik dagokio; haien arabera, merkaturik gabeko gizarte primitiboen ekonomia ere aztertu beharko lirateke ekonomiaren oinarrizko izaerara heltzeko. Ildo horretatik, gizarte kapitalistetan ez bezala, gizarte primitiboetan eta inperio handietan, ekonomia bestelako egitura sozialetan integratua agertzen da, eta ez zaio beste arlo sozialei gailentzen. Beste alde batetik, substantibistak determinismoaren aurkakoak dira, eta horrela marxismoa eta oinarritzat hartzen duen balioaren teoria ere kritikatzen dute. Ekonomiaren ikuspegi subtantibistaren aitzindaria Karl Polanyi izan zen, bere The Great Transformation (1944) lanarekin. Ikuspegi subtantibistaren eta formalistaren arteko eztabaida 1960ko hamarkadan garatu zen bereziki, eta horretan subtantibismoaren aldekoak izan ziren George Dalton and Marshall Sahlins (1972ko Stone Age Economics lanarekin). 1
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
