Stories edo istorioak (sare sozialak)

Sare sozialetan, story edo istorioa erabiltzaile batek bere jarratzaileentzat argitaratzen duen bideo laburra da, eta aldi baterako eskuragarri dagoena, gehienetan 24 ordutarako. 2010eko hamarkadaren erdialdean plazaratutako argitarapen-formatoa izan da, geroztik sekulako arrakasta izan duena, bereziki Instagram-en eta Facebook-en. Aipatu behar da, story horiek ez dutela derrigor istorio bat kontatzen, eta besterik gabe iruzkinak edo iragarpenak izaten direla. Ohiko argitarapenen aldean, naturaltasuna nabarmentzen da, iraungitzen diren argitarapenak izanda, aparteko ediziorik behar ez dutelako.Gainera, pertsonalizatzeko hainbat aukera eskaintzen dituzten argitarapenak dira, testua, emotikonoak, iragazkiak eta gif luzapeneko irudiak txertatuz haietan, argitarapena multmdia sortzeko. Bideo bertikalak dira gainera, pantaila osoa hartzen dutenak, eta beraz erabiltzailearen esperientzia areagotzen dutenak. Iraungitze-epeak gainera jarratzaileak istorio horiek berehala eta modu masiboan ikustera bultzatzen ditu, biralitatea areagotuz. Hori guztia dela eta, marketin arloan bereziki erabili dira, enpresa zein influencer direlakoen eskutik, probetsi beharreko eskaintzak zabaldu eta produktu berrien inguruko ikusmina sorrarazteko.