Proiekzioa (psikologia)

Proiekzio psikologikoa pertsonek duten defentsa-mekanismoa da, norberarentzat onartezinak diren esperientzia, ezintasun, antsietate, sentimendu eta pentsamendu negatiboak beste pertsonengan edo beste gauzetan kokatzen dituenean, norberaren irudi propioa zaintzearren. Esan liteke proiekzio psikologikoa pertsonaren negatibo denaren esternalizazioa dela. Proiekzioa bereziki psikoanalisiaren baitan aztertutako mekanismoa da. Horren adibide garbi bat zerbaiten errua irrazionalki besteari botatzea da, narzisismoak norberaren buruari kritika egitea onartzen ez duenean. Proiekzioa positiboa ere izan daiteke, besteari guztiz errealak ez diren kualitate onak esleitzen dizkiogunean, gure desirak modu faltsu batean asetzeko, adibidez bikotekidearen edo seme-alaben bertuteak (edertasuna, ...) gehiegi laudatzen direnean.

Ikus, gainera

• Proiekzio-teknikak
• Kontsentsu faltsuaren efektua