Pluralistak (eskola filosofikoa)

Eskola pluralista Antzinako Grezian K.a. V. mendean garatu zen eskola filosofikoa presokratikoa izan zen, Anaxagorasek, Arkelaok eta Enpedokleske osaturikoa. Eskola filosofoei filosofo pluralistak edo fisiko-pluralistak deitzen zaie. Eskola eleatikoaren printzipio nagusia onartzen zuten, hala nola izatearen batasuna, baina printzipio hori zentzumenek adierazten zuten pluralismo edo aniztasunarekin bateratzen saiatu ziren. Horretarako, Anaxagorasek unibertsoan hasieran sperma edo hazi moduko partikulen existentzia proposatu zuen, zurrunbilo batean sarturik eta ondoriozko banaketan egungo unibertsoko gauzak sortu zituztenak, guztia nous izeneko adimenaren zuzendaritzapean. Arkelaok nous edo adimen hori ezeztatu omen zuen, eta horren lekuan airea jarri zuen,ondoren gauza guztiak beroak eta hotzak, suak eta urak, sortutako trinkotze eta mehetze prozesuen bitartez sortu ziren. Enpedoklesek dena airez, urez, lurrez eta suaz osaturik dagoela baieztatu zuen, eta Maitasunak eta Gorrotoak elementu horiek bateratu eta bereiziz, unibertsoko gauza guztiak sortu zirela.