Petroliotik eratorriak eta petrokimika


KategoriakEkonomia

Campo de Gibraltarko birfindegia, Cadizko probintzian.

Petrolioa, urre beltza ere deitua, hidrokarburo izeneko konposatu organikoen nahasketa bat da. Petrolioaren konposatu horiei petroliotik eratorriak edo petrolioaren deribatuak deitzen zaie, eta aplikazio ugari dituzte industrian nahiz eguneroko bizitzan. Petroliotik eratorriak destilazio zatikatuaren bitartez bereizten dira, nagusiki petrolioa destilazio-dorreetan berotuz eta tenperatura desberdinetan konposatuak bereiziz. Hartara, 40-200 gradutan benzina eta gasolinak bereizten dira, 200-300 gradutan kerosenoa eta naftak, 250-350 gradutan diesel erregaiak, 300-370 gradutan olioak, lubrikanteak eta parafinak, eta 370 gradutik gora, asfalto eta mundruna. Prozesu hau guztia birfindegi izeneko instalakuntzetan egiten da.

Petroliotik eratorriak beste produktu batzuekin konbinatu egiten dira, beste produktu batzuk sortzeko hala nola, plastikoa, detergenteak, ongarri sintetikoak eta botikak. Produktu horiek produktu petrokimiko deitzen zaie eta horiek ekoizten dituen industriari petrokimika.

Beste hizkuntzetan: ingelesez, petroleum products and petrochemicals; gaztelaniaz, derivados del petróleo y petroquímica.

250 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.