Naturalizazioa edo birnaturalizazioa (ingurumena)

Agian, naturalizazio hitzak zuzenbidean duen adiera bilatzen ari zinen.

Birnaturalizazioa edo naturalizazioa hirigune eta orohar gizarteak modu intentsiboan eraldatutako eremuetan (ikus, antropizazioa) prozesu naturalak berrabiarazteko ekintzen multzoa da, eremu horiek naturarentzat berreskuratu, haietan biodibertsitatea eta ekosistemak garatzeaz gainera, inguruko hiritarrentzat bizitza-kalitatea hobetzeko. Ahal den neurrian, eremu horiek euren jatorriko egoera naturalera bihurtzea ere bada helburua, birnaturalizazioa berdegune hutsak eratzea delako ideia baztertuz. Birnaturalizazioaren adibideak dira hiriko lorategietan belardiak luzatzen uztea, hiriko kale eta azpiegiturek lurrazpiratutako erreka bat aire librera ireki eta horren jatorriko egoerara eramatea, edota erabili gabeko aireportu bateko zorua irekitzea landaredia garatzeko.

Beste hizkuntzetan: gaztelaniaz, naturalización, renaturalización.