Gizapedia

Mugak

KategoriakGeografia

Geografian, muga lurraldeak bereizi eta aldi berean kontaktuan jarri egiten dituen lerro geografikoa da, erreala edo fisikoa (adibidez, ibai batek ezartzen duena bi komunitateen artean) eta irudizkoa (mapa baten gainean ezartzen dena, fisikoki edo sozialki adierazgarritasunik e badu ere) izan daitekeena.

Muga mota hauek bereizten dira:

  • muga naturalak, forma geografikoek ezartzen dituztenak; adibidez, mendikate bat, itsasertza, ibaia;
  • muga artifizialak, adibidez espazioa zatituz autopista batek markatzen duena;
  • muga politikoak, herrialdeak bereizi egiten dituztenak;
  • mugapen, demarkazio edo muga administratiboak, estatu baten baitan lurraldea administratiboki antolatzeko ezartzen direnak, hala nola probintziak eta udalerriak banatzeko.

Loturiko artikuluak

  • Lurraldea (definizioa)

    Lurraldeak gizakiak bereganatu lur eta eraldatutako eremuak dira, komunitate baten bizitoki eta lantoki gisa edota hango baliabide naturalak ustiatzeko behar bezala egokitu eta antolatuak. Kontzeptu geografikoa da, erliebeak,…

  • Demarkazioa (mugapena)

    Demarkazioa edo mugapena muga administratiboek ezarritako lurraldea da, bereziki lurralde horretan aplikatu beharreko legeei buruz. Adibidez, udalerriak, probintziak eta komunitate autonomoak lege desberdinak aplikatzen dituzten demarkazioak dira.

  • Muga politikoak

    Muga politikoa bi herrialdeen lurralde-jurisdizkioak eta subiranotza eremu geografikoak bereizten dituen lerroa da. Estatu baten baitan, bi eskualdeen arteko demarkazio administratiboak ezartzen dituen lerroa ere bada. Maiz, muga…

180 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.