Herrialde, eskualde geografiko bati buruz, migrazio-saldoa, saldo migraria edo migrazio garbia epe batean zehar bertaratutako immigranteen eta joandako emigranteen arteko aldea da. Migrazio-saldoa positiboa dela esaten da, immigranteak emigranteak baino gehiago direnean; emigranteak gehiago direnean, eta ondorioz bertako biztanleria jaisten denean, saldoa negatiboa da.
Beste alde batetik, kanpoko migrazio-saldoa atzerrira joandako eta atzerritik etorritako pertsonen arteko balantzea da; barneko migrazio-saldoa, berriz, herrialde barneko pertsona-mugimenduei buruzkoa da.
Migrazio-saldoa populazioaren hazkunde demografiko osoaren bi osagaietako bat da, berezko hazkundearekin batera. Biak gehituz, berezko hazkundea eta migrazio-saldoa alegia, populazioaren benetako hazkundea kalkulatzen da.
Beste hizkuntzetan: gaztelaniaz, saldo migratorio.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
