Metanarratibak (metarrelatoak)

Metanarratiba edo metarrelatoa munduaren azalpen totalizatzailea egiten duen marko eta sistema diskurtsibo eta ideologikoa da, den dena bere termino eta interpretazioen arabera azaltzen duena. Literalki, narratiba handia dela esan daiteke, beste mikronarratiba guztiak biltzen dituena. Besteak beste, sistema ideologiko handiak, besteak beste kapitalismoa, liberalismoa, sozialismoa, demokrazia eta progresoa, metanarratibak direla esan daiteke, munduaren eta munduko gertakari guztien interpretazio jakina bideratzen dutelako. Metanarratiba kontzeptua Jean-François Lyotard filosofoak garatu zuen 1970eko hamarkadaren bukaeratik, postmodernitateak metarrelato guztiak indargabetu eta gizartea mundua interpretatzeko erreferentziarik gabe utzi duela adieraziz.