Merkatu irekiko eragiketak banku zentral batek ekonomian dagoen diru kopurua (diru-eskaintza, zehatzago) kontrolatu eta beraz diru-politika garatzeko aukeran dituen bitartekoak dira. Eragiketa hauetan, banku zentralak estatuko bonoak erosi eta saldu egiten ditu, izenak dioen bezala merkatu irekian edo bigarren mailako merkatuan, bonoak jaulkitakoan. Banku zentralak bonoak erosten dituenean, dirua ematen die bankuei horien trukean, eta beraz ekonomian dagoen diru kopurua (likidezia, alegia) handitu egiten du, diru politika zabalkorra garatuz horrela, eta merkatuko interes-tasak murriztuz (bonoen prezioa igo egiten direnez, horien errentagarritasuna txikiagotu egiten baita). Aitzitik, bonoak saltzen dituenean, bankuek bono horiek erosi eta banku zentralari dirua eman behar diote, eta beraz ekonomiatik dirua xurgatu edo likidezia murriztu egiten du, diru-politika murrizkorra garatuz eta merkatuko interes-tasak gehituz (bonoak saltzean, haien prezioa jaitsi egiten denez, horien errentagarritasuna handitu egiren baita).
Beste hizkuntzetan: gaztelaniaz, operaciones de mercado abierto.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
