Lurrazala

Lurrazala kontzeptu geografiko lausoa da, testuinguruaren arabera esanahi desberdinak izan ditzakeena. Lurraren egitura kontzentrikoan azaletik gertuen dagoen geruza izan daiteke alde batetik, kontinentala edo ozeanikoa, kilometro batzuetako lodiera duena, baina askoz ere maila txikiagoan, lurzorua ere adieraz dezake, atmosferarekin kontaktuan dagoen azaleko geruza, zentimetro edo metro batzuetako lodiera baino ez duena. Tartean, gizakiak bistan duen lur eremuan sortzen diren elementuak barnehartzen dituen espazioa ere bada, non erliebea, mendiak, bailarak, ibaiak eta aintzirak dauden.