Erdi Aroan, Gaztelako eta Aragoiko erresumetan, enkomienda monarkak pertsona bati entregatzen zion lur konkistatuen ustiapena zen, horretarako lurraldera printzipioz borondatez etorritako pertsona eta familiak bere babesean hartuz, obedientziaren…

Leinua arbaso komun baten ondorengo ahaideen katea da, gure testuinguru historikoan gehienetan aita-semeen lerrotik (egitura patrilineala) belaunaldiz belaunaldi osatzen dena. Behe Erdi Aroan, leinua familia boteretsu eta aberatsak antolatzeko ahaidetasun-sistema izan zen, finean boterea eta aberastasuna bere ondorengoentzat atxikitzea bilatzen zuena. Adiera zabalago batean, arbaso komun batetik sortutako senitarte guztiak biltzen zituen, Ahaide Nagusi baten buruzagitzapean eta leinuaren sorrera-etxea zen oinetxearen inguruan; batzuetan familiarentzat lan egin edo hura babesten duten guztiak ere bai: horrela, identitatea eratu eta antzinako ohorea eta ospea atxikitzeko sistemaz gainera, leinua interes komunak zaindu eta elkar babestea helburu zituen komunitatea ere bazela esan liteke. Bizkaia, Araba, Gipuzkoa eta Kantabriako leinuak bando-gerren protagonistak izan ziren XIV-XV. mendeetan.
Beste hizkuntzetan: gaztelaniaz, linaje.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.