Lehengaiak

Lehengaiak naturatik eskuratzen diren materialak dira (ikus, baliabide naturalak) zuzenean baliatzeko (adibidez, ikatza eraikinetako berokuntzarako erabiltzen denean, edateko ura) edo ekoizpen-prozesu batean integratuta (zura, altzariak egiteko), horiek eraldatuz, beste lehengai eta pruduktuekin konbinatu, eta produktu berriak sortzeko (burdina, adibidez). Izenak adierazten duen bezala (lehengaiak: lehen gaiak) jarduera ekonomikoaren lehen maila batean dauden materialak dira.

Irizpide batzuk daude lehengaiak bereizteko: alde batetik, lehengai naturalak (petrolioa, zura, ...) eta artifizialak (altzairua, plastikoa, papera) bereizten dira, eta bestetik, lehengai berriztagarriak (zura, ura) eta berriztagaitzak (petrolioa, mineralak) ere baditugu.

Ekonomiaren eta kontabilitatearen ikuspegitik berriz, lehengaiak ekoizpen-prozesuaren baitan eraldaketa edo transformaziorako materialak dira, produktu bukatuen osagai gisa erabiltzen direnak.

Ikus, gainera

• Hornidurak edo hornigaiak