Langile mugimendua

Langile mugimendua langileriaren lan eskubide eta erreibindikazio sozial eta politikoen aldeko gizarte mugimendua da, langileek beraiek zuzendua eta kapitalaren eta enpresariaren interesekiko gatazkatik sortua. Historikoki, Industria Iraultzarekin batera zabaldutako mugimendua da, eta beraz, Iraultza Iraultza bera bezalaxe, Britainia Handian garatu zen hasieran. Fase eta joera desberdinekin izan zen: lehenbizi, ludismoa izeneko langile mugimendua zabaldu zen XIX. mendearen hasieran, lanpostuak kentzen zituztela-eta, makina berriak hondatuz; ondoren 1838-1848 bitartean, kartismoa garatu zen herrialde berean, langile batuz erreibindikazio politikoen alde. 1850etik aurrera, marxismoaren garapenarekin batera, sindikalismoa garatzen hasi zen, Europa osoan ja.

Beste hizkuntzetan: ingelesez, labour movement; gaztelaniaz, movimiento obrero.