Kutsadura

Kutsadura edo zehatzago ingurumeneko kutsadura, ingurumenean, airean, uretan nahiz lurrean, substantzia edo partikula ez ohikoen sorrera, isurtzea edo besterik gabe presentzia ez ohikoa da, pertsona, animalia eta landareen habitata negatiboki eragiten duena, horien garapen fisiologikoa, ugalketa edo besterik gabe bizitza oztopatuz edo kaltetuz, berehalakoan nahiz epe ertainera edo luzera (ikus, gainera, hondakinak). Bi motako kutsadurak bereiz daitezke: kutsadura naturala, faktore naturalek eragindakoa (sumendi baten erupzioak botatako gas eta partikulak, adibidez) eta antropogenikoa (gizakiaren jarduerek eragindakoa). Definizio horretan ez dira biltzen beste kutsadura batzuk, batzuetan kutsaduratzat ere hartzen direnak, hala nola kutsadura akustikoa, luminikoa, termikoa nahiz bisuala.