Zerga kuota: kuota osoa, kuota likidoa eta kuota diferentziala

Zerga kuota  zergadunak azkenean ordaindu behar duen zerga da, orokorrean oinarri zergagarriari karga-tasa aplikatuz kalkulatzen dena. Besteak beste, sozietateen gaineko zergari eta pertsona fisikoen errentaren gaineko zergari aplikatzen zaien kontzeptua da. Zerga-kuota ordea ez da kontzeptu bakun edo sinplea, eta bere kalkulua fase batzuetan zehar garatzen da: oinarri zergagarriari karga-tasa aplikatuta, kuota osoa delakoa sortzen da. Kuota osoari kenkariak eta hobariak aplikatuz, kuota likidoa sortzen da. Eta azkenik, kuota diferentziala kuota likidoa ken konturako ordainketak (atxikipenak, ordainketa zatikatuak, ...) izango da. Kuota diferentziala izango da beraz, azkenean zergadunak ordaindu behar duena.