Konbinatoria (definizioa)

Matematikan, konbinatoria elementu multzo batetik erator daitezkeen elementuen konfigurazio edo konbinazioak ikertzen dituen matematikaren adarra da, ezarritako baldintza eta eragiketen arabera (hala nola, elementuen aukeraketa, elementu horien ordena kontuan hartzen den ala ez eta elementu horien artean nolako erlazioak dauden)  konfigurazio horien kopurua, propietateak eta haien arteko erlazioak aztertzen dituena.

Antzinatik landu den matematikaren adarra da: antzinako Txinan eta Indian problema konbinatorioak aztertu ziren  eta gaur egun aplikazio zabalak ditu algoritmikan, grafoen teorian nahiz kimikan, besteak beste. Matematikan ere erabiltzen da, algebran kasu. Jolas-matematikan maiz agertzen diren problemak ebazteko ere erabiltzen da, hala nola karratu magikoak eratzeko.