Komunismo primitiboa

Komunismo primitiboa marxismoan historiaurreko eta beste gizarte eta gizatalde primitibo batzuetako ekoizpen-modua eta formazio ekonomiko soziala izendatzeko erabiltzen den terminoa da, non jabetza pribatuaren kontzepturik gabe ekoizpen-bideak eta horien fruituak, bereziki lurra eta haietatik eskuratzen diren baliabide naturalak, partekatzen diren. Marxek eta Engelsek bereziki erabili zuten, gizateriaren historia sozialaren bilakaera azaltzeko, esklabismoaren, feudalismoaren eta kapitalismoaren aurretik hurrenik hurren. Komunismo primitiboaren beste ezaugarri indar produktiboen garapen eskasa da, biziraupen-ekonomia baterako aukerak baino ematen ez dituena.

Beste hizkuntzetan: ingelesez, primitive communism; gaztelaniaz, comunismo primitivo.

Ikus, gainera

• Eurokomunismoa