Kirola ariketa edo joko fisiko arautua da. Ariketa fisiko gisa, jarduera zehatz eta errepikatua da, gorputza landu, zaindu eta taxutu egiten duena, modu trebean, harmonikoan nahiz azkarrean. Joko gisa, lorpena, erronka, norgehiagoka edo lehia du oinarrizko osagaitzat, baina hortik aurrera gizarte modernoetan transzendentzia erabateko jarduera sozial bilakatu da, estatus sozialarekin, ekonomiarekin eta geopolitikarekin lotura sendoak eratuz. Hasiera batean kultura guztietan ugari diren jolas fisikoak arautzetik baino askoz ere haratago, kirola ideologia tresna zabaltzaile nagusienetakoa bilakatu da, hala nola nazionalismo hutsala eraiki eta gorputzen estetika kanonikoa eratzeko. Norbert Elias (1897-1990) izan da kirola ikuspuntu soziologikotik aztertu duen egile nabarmenetakoa da, hain zuzen berak eraturiko soziologia figurazionaletik.
Beste hizkuntzetan: ingelesez, sport; gaztelaniaz, deporte.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
