Intersekzionalitatea (intersekzionaltasuna, ikuspegi intersekzionala)

Intersekzionalitatea, intersekzionaltasuna edo ikuspegi intersekzionala emakumea izateagatik eratzen den desberdintasun soziala gizartean eratzen diren beste desberdintasunekin (arraza, klase soziala, sexualitatea, adina, handikap fisiko edo psikikoak, etnia, itxura fisikoa, ...) gurutzatu eta horien ondorioz indartu egiten dela baieztatzen duen ikuspuntu feminista da. Zapalkuntza eta dominazio mota desberdinak pairatzen dituelarik, horien guztien aurkako borroka aldezten du. Kimberlé Crenshaw abokatu afroamerikarrak 1989 urtean sorturiko kontzeptua da, emakume afroamerikarrek pairatzen zuten diskriminazio eta dominazio anitza deskribatzeko, emakume zein beltza izateagatik. Geroztik, feminismoaren hirugarren olatuaren ikuspuntu nagusi bilakatu da emakumeek pairatzen duten zapalkuntza azaltzerakoan.

Beste hizkuntzetan: ingelesez, intersectionality; gaztelaniaz, interseccionalidad.

Erreferentziak

• La interseccionalidad: una aproximación situada a la dominación