Soziologian, instituzionalizazioa kontzeptu, ideia edo praktika bat gizarteko instituzio edo erakunde baten baitan txertatu eta finkatzea da, hura normalizatu, legitimatu eta arautzat hartzea. Aldi beren, instituzio edo erakundeen esparrua eta jarduna gizartean zabaltzea ere bada, lehen erakundeetatik kanpo modu informalean garatzen diren praktika eta jarduerak arautu eta kontrolatzen aldera, haiek prozedura estandar eta sistematiko bihurtuz eta haien inguruan burokrazia garatuz. Instituzionalizazioa da konstantea gizarte modernoetan, eta areago haien ezaugarri nagusia da. Bereziki, instituzionalizazioa osasungintzaren, hezkuntzaren eta orokorrean estatu-politiken elementu nagusia izan da. Kritikatua ere izan da, instituzionalizazioak arauak gizabanakoaren askatasun-eremu izan beharko liratekeen horietara ekarri eta normala ez denaren errepresioa eragin baitu arlo askotan.
Beste hizkuntzetan: ingelesez, institutionalisation; gaztelaniaz, institucionalización.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
