Informazio-iturriak, batzuetan ikerketa-iturriak ere deituak, datuak, ideiak, kontzeptu, teoriak, gertaerak eta fenomenoak eta horiei buruzko ikerketak, eta lan intelektualak bilatu eta eskuratzeko baliabideak dira, aldi berean ezagutza berria eratzeko erabil daitezkeenak. Bereizi behar dira informazio-iturriak eta horien euskarria; adibidez, liburuak, orokorrean esanda, ez da informazio iturriak, baina liburu jakin baten edukia ordea, bai.
Informazio-iturriak sailkatzeko irizpide anitz dago, baina ohiko tipologia batek lehen, bigarren eta hirugarren mailako informazio-iturriak bereizten ditu:
- lehen mailako informazio-iturriak datu gordinak edo hutsak dira, prozesatu edo landu gabeak, jakin edo aztertu beharrekoari buruz; adibidez, lehen mailako informazio iturriak datu estatistikoak eta aztertu nahi den idazle baten literatura-lana
- bigarren mailako informazio-iturriak lehen mailako informazio-iturrietako datuak eta informazioa landuz eratu diren emaitza intelektualak dira; aurreko adibideetatik abiatuz, datu estatistikoak azterturik egindako ikerketa bat, edo idazle baten obrari buruzko intrepretazio teorikoa.
- azkenik, hirugarren mailako informazio-iturriak, lehen eta bigarren mailako informazio-iturriak jaso, laburbildu edo zerrendatu egiten dituzten dokumentuak dira, hala nola entziklopediak eta datu-baseak.
Beste hizkuntzetan: ingelesez, source of information; gaztelaniaz, fuente de información, fuente de investigación.
Loturiko artikuluak
Ikerketa berrestaileakIkerketa berrestailea edo berrespen-ikerketa (ingelesez, confirmatory study) planteaturiko hipotesiak erabateko zorroztasun eta zehaztasunez onartu edo baztertu egiten dituen ikerketa da, behin betiko ondorioak ematen dituena. Saiakuntza klinikoen testuniguruan, hirugarren…
Ikerketa esploratzaileakIkerketa esploratzailea (ingelesez, exploratory study) fenomeno bati buruzko hipotesiak planteatzeko soilik diseinatu eta burutu egiten dena da, ondorengo ikerketa berretsaile batean onartu edo baztertuko direnak. Saiakuntza klinikoen testuinguruan, lehen faseko…
Gardenki: Zuzenbidearen iturriakZuzenbidearen iturriak arau juridikoak sortzeko ekintzak eta moduak dira. Labur, zuzenbidearen iturritzat hartzen dira, hierarkikoki, legea, ohitura eta zuzenbidearne printzipio orokorrak. Zuzenbidearen iturriei buruzko gardenkiak, hemen PDF formatoan,…
