Aldagai estatistiko kuantitatibo bati buruz, ibiltarte (R) balio handienaren eta txikienaren arteko diferentzia da. Datu multzo baten sakabanatzea neurtzeko neurri sinpleena da, baina horretan eragozpen batzuk baditu: alde batetik, datu handiena eta txikiena soilik hartuz, ez du datuetan biltzen den informazio guztia biltzen, eta beste alde batetik, ez da neurri sendoa, datu atipikoek guztiz eragiten baitute. Neurri sendoa ez izatea abantaila ere bada, horrela datu atipikoak antzemateko neurri gisa erabil daitekeelako; hain zuzen ere, bereziki kalitate kontrolean erabiltzen da, non normaltasunetik desbideratzen diren datuak berehala aurkitu nahi diren, erabaki zuzentzaileak lehenbailehen abiarazteko.
Hemen duzu, ibiltarteari buruzko irudi argigarri bat.
Beste hizkuntzetan: ingelesez, range; gaztelaniaz, recorrido, rango.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
