Hurbileko garapen eremua


KategoriakHezkuntza

Hurbileko garapen eremua, hurbileko garapen esparrua edo garapen hurbileko eremua, esparrua edo zonaldea Lev Seminovitx Vigotski  bielorrusiar psikologoak (1896-1934) ikaskuntzaren teoria konstruktibista sozialaren baitan landu zuen kontzeptua da, ikasleak une jakin batean duen ikasteko ahalmena adierazten duena. Vigotskiren arabera, ikasleak badu garapen erreal bat, berez eta inoren laguntzarik gabe burutu dezakeena, eta baita ere garapen potentziala, beste batek lagunduta lor dezakeena. Hurbileko Garapen Eremua garapen errealetik abiaturik, une jakin batean, internalizazioaren bitartez, garapen potentzialak lor dezakeen ikaskuntza maila orekatua da, garapen erreala baino zabalagoa, baina aldi berean garapen potentzialaren mugak aintzat hartzen dituena. Esan liteke baita ere, hurbileko garapen eremua garrapen errealaren eta garapen potentzialaren arteko distantzia dela. Distantzia hau, hurbileko garapen eremua alegia, zenbat eta zabalagoa izan, orduan eta ikasteko aukera handiagoak izango dira. Vigotskiren arabera, irakaskuntza prozesuak hurbileko garapen eremuan  oinarritu eta kokatu behar dira, eta horretarako oso garrantzitsua da haurraren interakzio sozialak bultzatzea, konpetentzia handiagoak dituzten haurrekin harremanetan jartzea, garapen potentziala handitu, hurbileko garapen eremua zabaldu eta ikaskuntza aberatsagoa izan dezan.

Beste hizkuntzetan: gaztelaniaz, Zona de Desarrollo Próximo.

264 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.