Hirugarren Mundua


KategoriakSoziologia

Hirugarren Mundua garapen ekonomiko eskaseko munduko herrialdeen multzoari emandako izena da. Kategoria Alfred Sauvy frantses demografoak asmatu zuen 1952 urtean L'Observateur aldizkarian eginiko artikulu batean, bloke komunistan eta Mendebaldeko blokean sartzen ez ziren herrialdeak biltzeko. XX. mendeko amaierara arte maiz herrialde azpigaratuak izendatzeko erabili izan da ordea, gehienetan adiera gutxiesgarrian. Terminoaren kritika gisa, aipatu behar da mundua bakarra dela, eta Hirugarren Munduak bereizketa eta muga jartzen duela herrialde aberatsen eta pobreen artean, ahaztuz herrialde pobre horien egoera munduko aberastasunaren banaketa bidegabe baten ondorioz gertatzen dela, herrialde horiek aberastasun handikoak izan arren, baliabide naturalen nahiz giza baliabideen aldetik. Beste alde batetik, Hirugarren Mundua terminoak munduko pobrezia herialde horietara mugatzen delako ideia zabaltzen du, herrialde aberatsetan ere pobrezia dagoela kontuan hartu gabe. Aukeran, "herrialde azpigaratuak" eta "garapen bidean dauden herrialdeak" terminoak hobesten dira, besteak beste, XXI mendetik termino horiek ere kritikatzen badira ere.

235 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.