Higadura (erosioa)

Higadura edo erosioa (latinezko erodare hitzetik, "xehatu") meteorizazioak erasandako arroketatik eta lurzoruetatik partikulak askatzen eta beste norabait garraiatzen dituen prozesu geologiko dinamikoa  da, higadura-eragile edo eragile higatzaile deitzen diren faktoreen bitartez.  Horrela, erosioaren ondorengo prozesu geologikoa sedimentazioa da. Batzuen arabera, higadurak partikulak askatzeko prozesua baino ez da, partikula horien garraioa aparteko prozesutzat hartuz. Higadura-eragile nagusiak dira haizea, ura eta izotza, azken hau, glaziarren mugimenduaren bitartez. Higadura bi faktorren mendean dago: higakortasuna, material bat higatu edo handik partikulak erauzteko erraztasuna; eta higadura-eragingarritasuna, eragile higatzaileak higatu eta garraiatzeko duen ahalmena eta indarra.

Beste hizkuntzetan: ingelesez, erosion; gaztelaniaz, erosión.

Ikus, gainera

• Meteorizazioa