Hezkuntza komunitatea


KategoriakHezkuntza

Hezkuntza komunitatearen kontzeptua bi ikuspuntu aski desberdinetatik azal daiteke. Hezkuntza sistematik bertatik, eta beraz ikuspuntu normatibo batetik, eskolako jardueran eta kudeaketan parte hartzen duten eragile guztiek osatuko lukete, ahal nola zuzendaritza-taldeak, irakasleek, ikasleek eta gurasoek. Ikuspuntu hori kritikatu izan da, ordea, hezkuntza prozesuan parte hartzen duten eragile guztiak biltzen ez dituelako edota eragile batzuei erabaki-ahalmen eskasa ematen dielako, eskola osatu eta interes komunekin eta baita gatazkatik ere eskola eragiten duten hainbat partaide baztertzen dituelako. Hezkuntza komunitatearen ikuspuntua garrantzitsua da guztiz, horren arabera elkarrizketa landu eta erabakiak hartzeko marko desberdinak eratuko direlako, hala nola normatibitateak eta hezkuntza legedia izango den erabakiak hartzeko irizpide nagusia ala erabakiak modu demokratiko batean hartuko diren. Hezkuntza komunitatearen kontzeptu zabalak, gainera, lankidetzarako bidea zabalduko du, inor baztertu gabe eta hezkuntza prozesuan denak inplikatuz.

Beste hizkuntzetan: gaztelaniaz, comunidad educativa.

Ikus, gainera

230 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.