Hauteskunde programa


KategoriakPolitika

Demokrazia liberal eta parlamentarioetan, hauteskunde-programa edo hautes programa alderdi politiko batek hauteskunde baterako aurkezten duen agiria da, non hauteslegoari begira aurkezten diren bere ideia politiko nagusi eta orokorrak, ingurune politikoaren interpretazioa eta balorazioa, hauteskundeek ekarriko duten gobernu berrirako asmoak, dela gobernatzera heltzen direlarik dela oposizio politikotik, eta arlo ekonomiko, sozial nahiz kulturalerako dituzten proiektu zehatzak. Ohikoa izaten da, hauteskunde programak propaganda-tresna hutsa izatea izatea, aurkari politikoa erasotuz eta herriarentzat posible eta bideragarri dena baino askoz gehiago agindu edo hitz ematea. Gobernatzera heltzen den alderdi politikoaren hauteskunde programaren gezurrak eta faltsukeria maiz geratzen dira agerian hauteskundeak eta gero, oposizio politikoaren kritikarako argudioak emanez eta herritarrengan desafekzio politikoa sorraraziz.

Beste hizkuntzetan: ingelesez, electoral program; gaztelaniaz, programa electoral.

Ikus, gainera

214 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.