Gizarte prestazioak

Gizarte prestazioak estatuak laguntza beharrean edo bestelako egoera berezi batean dauden herritar eta familiei ematen dizkien diru transferentzia edo emariak dira. Prestazio horiek gaixotasun, gaigabezia, dependentzia eta langabezia egoerekin, erretiroaren ondorengo egoerarekin, hezkuntza beharrekin, etxebizitzarekin edo semealaben mantenu edo hezkuntzarekin lotu ohi dira. Prestazioak izan daitezke selektiboak, horiek jasotzeko baldintza zehatz eta gutxi gorabehera zorrotzak jartzen direnean, nahiz unibertsalak, egoera jakin batean dauden herritar edo familia guztiei zuzenduak.

Batzuetan gizarte prestazioak eta subsidioak nahastu eta ia sinonimo gisa erabiltzen badira ere, badira desberdintasunak bi kategorien artean. Gizarte prestazioak pertsona eta familiengana bideratzen dira, subsidioak enpresentzat ere izan daitezkeelarik. Beste alde batetik, prestazioak eskubide gisa planteatu ohi dira, maiz haiek jaso behar dituena iraganean egin dituen ekarpenetan oinarrituta (esaterako, langabezia-prestazioak langileak kontigentzia horretarako egin dituen diru-ekarpenetatik kalkulatzen dira) eta subsidioak egoera berezi eta larriagoetan ematen dira, prestaziorik ez dagoenean aparteko laguntza gisa.

Beste hizkuntzetan: ingelesez. social benefits; gaztelaniaz, prestaciones sociales.

Ikus, gainera

• Dirulaguntzak