Gizartearen erronkak

Gizartearen erronkak gizarteak dituen arazoei aurre egin eta haiuek gainditzeko garatu beharreko pauso kolektiboak dira, demokraziaz eta herritarren partehartzeaz, gizarte aurreratu eta bidezkoago baten alde. Erronkak dira gizarte arazo horiek sistema ekonomiko eta sozialean guztiz sustraiturik daudelako, eta sarri mentalitate aldaketa eta sistemaren beraren oinarriak aldatzea eskatzen dutelako, herritar gehienen kontsentsuarekin. Hain zuzen ere, zailena ez da izaten gizarte gisa zer nahi dugun, baizik eta nahi dugun hori nola garatu kolektiboki erabakitzea.

Esan liteke adostasun handiena sortzen duten erronkak hauek direla:

• pobrezia gainditzea;
• lan duina guztientzat;
• berdintasuna, gizon eta emakumeen, klase sozialen eta gizataldeen artean;
• giza eskubideak bermatzea;
• kalitatezko hezkuntza eta osasuna guztientzat;
• ingurumenaren zaintza;
• demokrazia eta herritarren partehartzea bultzatzea;
• mugikortasun jasangarria garatzea;
• teknologia digitaletarako sarbidea.