Girondinoak (girondarrak)

Frantziako Iraultzan zehar, girondinoak edo girondarrak talde politiko bat izan ziren, jakobinoen aurkakoa. Burgesiatik eta intelektualitatetik etorritako politikariak ziren, Jacques Pierre Brissot buru, eta moderazioa aldezten zuten, merkataritza librearen aldekoak ziren eta orokorrean egonkortasun ekonomikoa eta politikoa aldezten zuten, jakobinoen irrika iraultzaileen aurka. Gironda zuten jatorri horietariko asko, eta hortik datorkie izena. Halaber, Frantziako hiri txikietan izan zuten sostengu gehiena, burgesen artean. Hain zuzen ere, jakobinoen eskuetan zegoen Parisko botere zentralaren aurka, federalismoa aldezten zuten, eta Frantziako departamenduen autonomia eta eskumenak indartzearen aldekoak ziren. Horien baitan monarkiazaleak ere baziren, konstituzio demokratiko baten baitan eratua betiere, eta Louis XVI. erregearen exekuazioaren aurka agertu ziren haietako asko. Espantsionistak ere baziren; hain zuzen ere, haien une gorena 1792ko udaberrian izan zen, Frantziak Austriaren aurkako gerra deklaratu zuenean. Frantziako Armadak izandako porrotak eta jakobinoekiko talka, bereziki haien montagnard  izeneko hegal erradikalarekin. Azkenean, girondinoen aurkako altxamendua izan zen 1793an Parisen eta haietariko asko atxilotuak izan ziren eta Izua deitu zen aro politikoan exekutatuak izan ziren. Batzuk Paristik kanpora ihes egitea lortu zuten, baina ezin izan zuten lortu lehenago izan zuten sostengua.