Probabilitatearen teorian, A eta B gertaerak (ikus, zorizko gertaerak) elkarrekiko independenteak direla esaten da bata gauzatu izanak bestea gertatzeko probabilitatean eraginik ez duenean. Beraz, baldintzapeko probabilitatea baliatuz, A eta B independenteak dira baldin eta bakarrik baldin honako hau betetzen bada: 
, hots B gertatu dela jakinda, A gertatzeko probabilitatea besterik gabe A gertatzeko probabilitatea, bestelako informaziorik gabe, denean. Halaber, beste definizioa hau ere eman daiteke, A etya B bi gertaera independenteak dira hau betetzen denean: 
.
Adibidez, ikasgela batean 20 emakume daude azterketa gainditu dutenak eta 30 suspenditu dutenak, 10 gizon gainditu dutenak eta 15 gainditu ez dutenak. Emakume izatea eta azterketa gainditu izana independenteak dira: P(emakumea/gainditu)=20/(20+10)=0.66 eta P(emakumea)=50/(50+25)=0.66 berdinak baitira.
Gertaera independenteen beste adibide garbi bat txanpon batekin behin eta berriz egiten den jaurtiketa da. Txanpona bota eta busti ateratzeko probabilitatea 1/2 da (ikus, lehor ala busti), aurreko jaurtiketetan busti ala lehor aterata ere. Aurreko emaitzek ez diote eragiten hurrengo jaurkitetari, beraz txanponen jaurtiketen emaitza guztiak elkarrekiko independenteak dira.
Beste hizkuntzetan: ingelesez, independent events; gaztelaniaz, sucesos independientes.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
