Geozentrismoa (teoria geozentrikoa)

Geozentrismoa, teoria geozentrikoa edo modelo geozentrikoa Lurra ("geos") unibertsoaren zentroan dagoela eta beste argizagi guztiak horren inguruan bira egiten dutela baieztatzen duen teoria astronomikoa da. Antzinarotik zabaldutako teoria da, Aristoteles filosofo greziarrak bereganatu eta osatu zuena, baina Ptolomeo erromatar egiptoar jakintsuak II. mendean landu eta findu egin zuena. Harrezkero, teoria geozentrikoa unibertsoaren paradigmaren nagusia bilakatu zen mila urte baino gehiagotan zehar, harik eta XVI. mendean Nikolas Kopernikok bere teoria heliozentrikoa plazaratu zuen, zeinaren arabera Lurrak Eguzkiaren inguruan bira egiten duen.

Beste hizkuntzetan: ingelesez, geocentrism, geocentric model; gaztelaniaz, geocentrismo, teoría geocéntrica.