Eskola magistrala

Eskola magistrala irakasle batek gai bati buruz ikasle baten aurrean egiten duen azalpena da, hitzaldi gisakoa, ikasleen parte hartzerik gabe. Ikasle talde handiei edukiak modu egituratu batean transmititzeko metodo egokia izan daiteke, baino ikasleen pasibitatea bultzatzen du, haren ikaskuntzarako autonomia eragotzi eta ez ditu kontuan hartzen ikasleen artean egon daitezkeen desberdintasunak informazioa jaso eta barneratzean. XX. mendean zehar, ezagutzak transmiitzeko metodo erabiliena izan da eskola nahiz unibertsitateetan, baina XXI. mendean metodologia berritzaileak gailendu zaizkio, ikaskuntza esanguratsua garatzen dutenak ikasleen parte hartzea bultzatuz.