Eskola-diziplina


KategoriakHezkuntza

Eskola-diziplina edo eskola disziplina eskolan ikasleek jarraitu behar duten jokabide-kodea da, indibiduala nahiz kolektiboa, ikasleen arteko bizikidetza eta sozializazioa behar bezala garatu eta ikaskuntza-irakaskuntza prozesua bideratze aldera, eta jokabide hori disfuntzionala, disruptiboa, edo desegokia den kasuetan, hura zuzentzeko hartzen diren neurrien multzoa. Ikasleak eskolan duen jarduerari buruzko arauak eta mugak zehazten ditu, eskola-arautegian behar bezala jasota. Tradizionalki eskola-diziplina xedetzat hartu izan da, ahaztuz diziplina jokabide arazoak konpontzeko tresna dela, eta funtzionatzen ez duen kasuetan, beste neurri eta erabaki batzuk planteatzen komeni dela, atzetik egon daitekeen arazo soziala ulertuz eta betiere elkarrekiko errespetuan eta eskolaren azken helburua, pertsonaren heziketa eta horren sozializazioa eta inklusioa, kontuan harturik. Ildo horretatik, eskola-diziplina positiboa, malgua, prebentiboa, proaktiboa eta orokorra (testuinguru eta egoera bakoitzera moldagarria) izan beharko litzateke, negoziazioa eta kontsensua landuz eta kode itxiak, esklusioak eta zorroztasunak baztertuz. Finean, eskolatik bertatik ezarritako heterodiziplinatik ikaslearen beraren autodiziplinara jo beharko luke, ikaslearen autonomia lantzeko tresna gisa.

239 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.