Eremu-sakonera

Argazkilaritzan, eremu-sakonera argazkian enfokatuta eta beraz argi eta garbi ikusten diren espazioko puntuen tartea da. Argazkiaren konposizioa egiteko oinarrizko faktorea da: argazkian erakusten den guztiaren ikuspegi zabal eta argia eduki nabhi bada, paisaia bat irudikatu nahi dugunean esaterako, eremu sakonera handia erabiliko da; berriz, argazkiak hartzen duen planoan, objektu bakar batean zentratu eta inguru guztia difuminatu edo lausotuta erakutsi nahi denean -intsektu bat, atzealdeko landare artean, irudikatu nahi denean, adibidez-, eremu sakonera txikia erabiliko da. Eremu sakonera kontrolatzeko faktore asko daude, baina funtsezkoena diafragmaren irekiera da: irekiera (f/ ikurraren ondoren agertzen den zenbakia) zenbat eta handiagoa izan, eremu sakonera orduan eta txikiagoa izango da.

Beste hizkuntzetan: ingelesez, depth of field; gaztelaniaz, profundidad de campo.