Erabilera-eremuak

Agian, hizkuntza baten hedadura-eremua bilatzen ari zinen.

Soziolinguistikan, erabilera-eremua hizkuntza jakin bat erabiltzen den gizarte bizitzako arloetako bakoitza da, betiere modu aktiboan gertatzen bada, hiztun edo erabiltzaileen arteko interakzioak sortzen baditu alegia. Gainera, erabilera-eremua  hiztun jakin bat aktiboa den jasotzeko oinarrizko esparrua da. Orokorrean, erabilera-eremu hauek bereizten dira: eremu pertsonala (izan lagunartekoa izan familia), eremu profesionala edo lan-eremua, eremu akademikoa eta eremu publikoa (gizarteko harreman orokorrak). Horietako bakoitzean, erabilera-eremu zehatzagoak ezar daitezke; horrela, eremu pertsonalean, seme alabekin, amarekin, aitarekin, anai-arrebekin, bizilagunarekin eta lagunekin eremuak bereiz daitezke, eta eremu publikoan, saltegietan, bankuetan, osasun zerbitzu, herriko etxean, liburutegian eta administrazioan.

Beste hizkuntzetan: gaztelaniaz, ámbitos de uso.