Enpresen fusio edo bat egiteak enpresa batzuk euren ondareak, oso osorik, bateratzea da. Enpresen hazkunderako moduetako bat da. Bi motako fusioak bereizten dira:
- fusio edo bat egite puruak, elkartzen diren enpresek enpresa berri bat sortzen dutenean, aurreko enpresen nortasun juridikoa desagerraraziz eta nortasun juridiko berri bat sortuz. Horretarako enpresa horiek deuseztu behar dira, eta haien aktibo eta pasiboak enpresa berriak bereganatzen ditu. Helburua tamaina handiagoak dakartzan abantailak eta bateratzearen sinergiak lortzea da, merkatuan eraginkortasun eta lehiakortasun handiagoa izateko. Fusioa elkartzen diren enpresetako akziodunek erabaki behar dute.
- absortzio edo xurgapen bidezko fusioetan, berriz, enpresa batek beste enpresa batzuk bereganatzen ditu, haien ondarea eskuratuz. Xurgatzen diren enpresak soilik desagertzen dira, eta ez enpresa horien erosle den enpresa nagusia. Absortzioak erosketa bidez garatu ohi dira, desagertzen den enpresaren akziodunei dirua edo enpresa nagusiaren akzioak eskainiz.
Sektore batean diharduten enpresen fusioek ondorio kaltegarriak ekar ditzakete, hala nola enpleguaren murrizketak, sail bikoitzak ekidin asmoz, monopolioak, eta akziodun talde batzuek enpresen kontrola galtzea.
Loturiko artikuluak
Ansoff matrizeaAnsoff matrizea Igor Ansoff (1918-2002) estatubatuar matematikari eta ekonomilariak garatutako tresna da, enpresaren hazkunde aukerak hautemateko. Horretarako, produktuetan edo merkatuetan hazi behar den bereizten du, eta horietako bakoitzeko…
Enpresa lokalakEnpresa lokalak ekoizpena eta merkaturatzea eremu geografiko mugatu batean garatzen dituzten enpresak dira, eskualde edo erregio mailan, baina beti euren egoitzatik hurbil, nazioartekotutako enpresak eta enpresa multinazionalak ez…
Kontzentrazio horizontalaKontzentrazio horizontala enpresa batek bere jarduera diharduen sektorean bertan, produktu eta zerbitzu berdintsuak eskainiz, zabaltzeko estrategia da, enpresa berriak sortuz edota sektore bereko enpresekin fusioak eta absortzioak burutuz…
