Ekitaldi ekonomikoa eta ekitaldi kontablea

Ekitaldi ekonomikoa enpresaren helburu ekonomikoak garatu, burutu eta kontrolatzeko ezartzen den epea da. Ekitaldi kontablea edo kontabilitate-ekitaldia berriz,  ondoz ondoko balantzeen artean dagoen denbora da, non enpresaren jarduera ekonomiko eta finantzarioa jasotzen den, ziklo kontable batean zehar, kontabilitatea irekitzen denetik itxi arte. Orokorrean bi ekitaldiak bat datoz, askotan sinonimotzat hartzen dira, kontabilitatearen helburua finean kudeaketa egokirako informazioa jasotzea denez. Horrela, ekitaldi ekonomiko eta kontableak urtebetekoak izaten dira, urtarrilaren 1ean hasita eta abenduaren 31an bukatuz. Ekitaldiaren amaiera datak garrantsitsuak dira guztiz, bereziki bazkide eta inbertitzaileei informazioa zabaltzeko epeei buruz.