Diru eskaintza edo moneta eskaintza, ekonomia batean une batean zirkulatzen ari diren diru kantitatea da. Kantitate horrek bi atal nagusi diru: diru-oinarria (legezko dirua zirkulazioan, eskudirua alegia, gehi bankuetako erreserbak banku zentralean) gehi banku-dirua, bezeroek bankuetan dituzten saldo guztien zenbatekoa. Izan ere, banku-kontu eta gordailu hauetako saldoa diru gisa ere erabil daiteke, adibidez zerbait ordaintzeko banku-kontu batetik bestera transferentzia egiten dugunean. Gainera, gordailu horiek berehala edo denbora laburrean eskudirutan bihurtu daitezke, eta alde horretatik ere dirua dira. Kontua da kontu eta gordailu horiek epe, likidezia eta ezaugarri desberdinak dituztela, diru gisa erabili ahal izateko mugak jarriz. Horregatik, diru-eskaintzaren baitan diru-agregatu desberdinak bereizten dira: M1, non ageriko baku-kontuak bakarrik sartzen diren, eta gero likidezia txikiagoko gordailuak sartuz, hurrenez hurren, M2, M3 eta M4 direlakoak.
Diru eskaintza kontrolatzen duen politika ekonomikoa moneta politika da.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
