Dibisak

Dibisak herrialde bateko partikular, enpresa eta erakundeek euren eskuetan duten atzerriko herrialde bateko dirua da. Adibidez, estatubatuar enpresa batek eurotan duen kontu bat dibisak dira, eta baita europar partikular batek dolarretan duen gordailu bat. Orokorrean, atzerriko dirua izendatzeko termino orokorra ere bada.

Dibisak bihurtu edo trukatu egin daitezke beraien artean, kanbio-tasa delako baten bitartez. Adibidez 1 euro= 2 dolar kanbio-tasan, 100 eurorekin 200 dolar eskura daitezke trukean. Dibisen arteko transakzio edo truke horiek dibisen-merkatu batean negoziatzen dira; hartan, moneta baten eskariaren eta eskatzaren arabera ezartzen kanbio-tasa.

Beste alde batetik, dibisak estatu bateko banku zentraleko erreserba gisa ere erabiltzen dira, ordainketa balantzak orekatu eta dibisa-merkatuetan dibisa-erreserba horiek salduz moneta nazionaleko kanbio-tasetan eragiteko.