Deskontu-tasa


KategoriakEkonomia

Finantzetan, deskontu-tasa, batzuetan eguneratze-tasa ere deitua, une jakin bateko kapital edo orokorrean diru-kopuru batek iraganera edo atzera eramanda hartzen duen balioa kalkulatzeko erabiltzen den tasa edo portzentaje bat da. Deskontu-tasa bi eratara aplikatu daiteke: deskontu komertzialean deskontu-tasa nominalaren gainean aplikatzen da, hots epemugan kapitalak duen balioaren gainean; deskontu arrazional edo matematikoan, berriz, deskontu-tasa efektiboaren gainean kalkulatzen da, hots egun eskuratzen den balioaren gainean.

Deskontu komertzialerako formula, aldi bakar baterako eta d deskontu-tasan, honako hau da, C_n eta C_0 nominala eta efektiboa (epemugako kapitala eta egungo kapitala, alegia) izanik hurrenez hurrenez:

    \[D=C_n \times d \rightarrow C_0=C_n-D=C_n-C_n \times d=C_n(1-d)\]

Deskontu arrazionalerako formula, berriz, hau da, i deskontu-tasan:

    \[D=C_0 \times i \rightarrow C_0=C_n-C_0i \rightarrow C_0=C_n(1+i)^{-1}\]

Deskontu-tasa bereziki efektuen deskontuan eta inbertsio-proiektuak balioestean (ikus, balio eguneratu garbia), diru-fluxuak deskontatzeko.

Beste hizkuntzetan: ingelesez, discount rate; gaztelaniaz, tasa de descuento.

 

 

303 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.