Bokalak ahots-korden bibrazioz sortzen diren fonema edo soinuak dira, airearen irteerari traba jartzen ez diotenak, aireari traba egiten dioten kontsonanteak ez bezala. Irudian erakusten den hiruki bokalikoaren arabera, bokalak bereizten dira

• irekiduraren arabera (ardatz horizontala): bokal itxiak (i eta u) mingaina ahosabaitik oso gertu dagoenean, eta bokal irekiak (a) , mingaina ahosabaitik urrun dagoenean, ertainak e eta o izanik;

• ahoskatzen diren gunearen arabera (ardatz bertikala): atzekoak (o, u), mingaina ahosabaiaren atzealdearen parean jartzen denean; zentralak (a), mingaina ahosabaiaren erdiaren parean jartzen denean; eta aurrekoak (i eta e), mingaina ahosabaiaren aurrealdean jartzen denean. Ikus, gainera

• Bokalismoak