Bizikidetza eskolan: bizikidetza-ereduak

Ikus, gainera, bizikidetza kontzeptu orokorra.

Eskola sozializazio-eremua izanda, gatazka eta batzuetan indarkeria ere berezko ditu. Eskolaren helburua izan behar da eskola-diziplina hausten deneko egoera horiek bideratu, konpondu eta ganditzea, eskola izan dadin baita ere bizikidetza-eremua.

Bizikidetza-ereduak gatazka horiek bideratzeko paradigmak edo irizpide orokorrak dira. Bizikidetza-eredu hauek daude aukeran: eredu punitibo edo zigorrezkoa, eskola-diziplina hausten denean, zigorrak aurreikusten dituena; eredu erlazionala, gatazka edo istiluaren protagonisten arteko elkarrizketan oinarritzen dena, harreman positiboa eratze aldera; eta eredu integratua, aurreko biak integratzen dituena, jarrera positibo batetik abiatu eta aldi berean konpromisoak, ardurak eta autorregulazioa exijitzen dituena.