Bitalismo filosofikoa

Agian, bitalismo zientifikoa bilatzen ari zinen.

Filosofian, bitalismoa filosofiaren ardatz eta elementu nagusitzat bizitza hartzen duen teoria filosofikoen multzoa, bizitza bere oinarri materiala gainditzen duen errealitate independente gisa hartuz, eta beraz bizitzaren ikuspegi mekanizista eta izaera fisiko-kimikoa baztertuz. Alde batetik, ezagutzari buruzko teoria dela esan daiteke, arrazionalismoaren aurkakoa, intuizioa hartuz arrazoiaren oinarritzat, intuizioa kontsideratuz bizitzaren esperientzia osatzeko darabilgun tresna nagusia. Teoria morala ere bada, balio tradizionalak baztertu eta balore grinatsuak eta oldarkorrak, dionisiakoak, balio apolineoen aurkakoak, bultzatzen ditu, bizitza bera goresten dutenak alegia. Bitalismo filosofikoaren aitzindariak Schopenhauer eta Nietzsche izan zen baina beste filosofo batzuk ere agertu ziren jarrera horren alde, hala nola Henry Bergson eta Ortega y Gasset, azken hau bere arraziobitalismoarekin.