Informatikan, biltegiratze masiboak konputagailu bati loturik ager daitezkeen memoria iraunkor edo ez-hegakorren gailu eta sistemei egiten die erreferentzia, RAM edo ROM memoriak ez bezalakoak (ikus, bigarren mailako biltegiratzea), baina aldi berean datuak gordetzeko edukiera handia dutenak. Teknologiaren aurrerapenaren arabera, biltegiratze masiboaren kategorian sartzen ziren gailuen zerrenda aldatu egin da, garai batean disketeak biltegiratze-masibotzat har bait zitezkeen, baina gaur egun kategoria horietatik ezabatu behar dira, baita agian USB memoria txikiak ere. Irizpide gisa, biltegiratze masiboko gailuaren edukiera RAM memoriarena baino handiagoa izan behar dela ezar daiteke. Egia esan, biltegiratze-edukieraren aurrerapena dela eta, egun merkatuan dauden gailu ia guztiak sar daitezke kategoria horretan; hori horrela, parekotzat har daitezke biltegiratze masiboa eta bigarren mailako biltegiratzea.
Beste hizkuntzetan: ingelesez, mass storage; gaztelaniaz, almacenamiento masivo.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
