Bereizgarri psikologikoak


KategoriakPsikologia

Bereizgarri psikologikoak edo nortasunaren bereizgarriak, nortasunaren ezaugarri edo ezaugarri psikologikoak ere deituak, pertsonak eta haien jokabideak elkarren artean desberdintzeko baliatzen diren kategoriak eta ezaugarriak dira, hala nola lotsati, alper, alai, serio, ..., giza nortasuna eratzen dutenak eta nolakoak garen eta nola jokatzen dugun modu iraunkorrean eragiten dutenak. Jokabide jakinak garatzeko joerak direla ere esan daiteke, eta beraz jokabide horiek aurreikusteko erabil daitezke: pertsona bat alperra dela esaten dugunean, lan bat egiten motela izango dela aurreikusten dugu. Pertsona bati bereizgarri psikologiko bat atxikitzen zaionean, ezaugarri hori beste pertsonetan baino nabariagoa dela esaten dugu; hau da, denok gara gutxi gorabehera lotsati, baina lotsatiaren bereizgarria atxikitzean, besteak baino lotsatiagoak garela, edo lotsati izateak bereziki eragiten gaituela esan nahi dugu.

Beste hizkuntzetan: ingelesez, psychological traits, personality traits; gaztelaniz, rasgos psicológicos, rasgos de personalidad.

Ikus, gainera

228 hitz

Artikulu bat eskatu

Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.



Harpidetu zaitez

Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.